(R I)
Jang oh jang
Mano pulak poi budak bertuah ni
Sonyap yo
Siaplah jang oi
Kobau tu tak boghi makan lai
(S B)
Batu kikir jambatan bosi
Gulai udang sebelango
Cubo omak fikir dalam hati
Ayo ni bujang sudah lamo aih
(AC)
Apo kono eh jang
Tongah malam tolanjang
Eh ko dah bosar panjang
Napo duduk tolontang
Macam da tak porlu hei
Tapi cubo ko dongar ini pokaro bonar
Ko tongah ko topi kobau ko pon dah mati
Korek tanah masuk lai dokek Kuala Pilah
Eh ko tengok muko dulu
Muko ko pon dah berbulu
Poi cukur la dulu
Badan ko bau lombu
(R I)
Apo kono eh jang
Ko monung ajo
Orang ke bulan ekau di mano
Muko berpoluh apo toghosa
Carian ubek penawa duko
Poilah mandi hari dah tinggi
Jangan termonung menoman tanggo
Ke sawah kito menuai padi
Apo dikonang pekaro yang sudah
Si Milah kau gilokan
Orang dah masuk meminang
Mano den lotak muko
Kondak kau jang diambik orang
Biar omak cari an lain
Ompuk orang jangan diidam
(AC)
Dah den kobar an dulu
Dongar la cakap cikgu
Banyak-banyak membaco
Bosar nanti bojayo
Cordik macam anak tok wan
Sobolum jadik kayo
Jangan malas bokojo
Kono kuek usaho
Masak lomak cili api
Minum kopi cicah ghoti
Kocik pogi mongaji
Bosar jadi montori
Eden ado berposan
Janganlah ketinggalan
Hidup ado panduan
Al-Quran jadi pogangan
(S B)
Ke jelobak je jelobu
Tuai padi tigo tangkai
Kato ombung den
Kato ongah den
Kato ocu den
(R I)
Apo kono eh jang
Ko monung ajo
Orang ke bulan ekau di mano
Muko berpoluh apo toghosa
Carian ubek penawa duko
Dah den koba an dulu
Kumpo an duit
Minanglah copek ini kau tangguh an
Ke sawah kito mengumpo belanjo
Bokonan den Si Milah buek menantu
(S B)
Apo lai kau sosakan
Menghaung tak do guno
Milah kawin minggu dopan
Melopong kau jang putih mato
Jangan lai dikonang-konang
Asik dikonang merano badan
Berkocak-kocak air di boting
Limau manih bertaruk mudo
Bio bercacak koghih dan lombing
Putih kuning den tarik juo
Zaman sekarang, yang lama dibarukan. :)
No comments:
Post a Comment